Como bonificarte?

A bonificación en 8 pasos

INFOGRAFÍA
Guía de Formación

Guía para a xestión da formación

    • O crédito de formación é a contía da cal dispón a túa empresa durante o ano como axuda para a formación que impartes aos teus traballadores.

      Calcúlase en función do cotizado por formación profesional así como o número de persoal medio (datos dos Recibos de Liquidación de Cotizacións do ano anterior).

      A aplicación calcularao automaticamente a partir dos datos da Tesouraría Xeral da Seguridade Social (TXSS).

      Non obstante, se desexas calcular o crédito dispoñible para a túa empresa, o máis sinxelo é que introduzas os teus datos no noso simulador.

      Crédito empresa

      Contía ingresada por formación profesional

      Suma "Base outras Cotizacións"

      x

      0,7 %

      % Bonificación segundo persoal

      Persoal medio

      Porcentaxe

      1 a 9

      100 %

      10 a 49

      75 %

      50 a 249

      60 %

      Máis de 250

      50 %

      Se es unha empresa con menos de 50 traballadores podes acumular o crédito que non consumas no presente exercicio para os dous seguintes. Para iso, deberás marcar a casa correspondente na aplicación antes do 30 de xuño.

      Ademais, dispós dun crédito adicional para bonificar o tempo outorgado aos teus traballadores para realizar un PIF.

    • Se a empresa non ten RLT, salta directamente ao punto 4. Comunica o inicio do curso.

      Se na túa empresa existe calquera forma de Representación Legal de Traballadores, esta debe ser informada da formación bonificada que estea previsto realizar (accións formativas e PIF).

      Para iso, debes seguir os seguintes pasos:

      INFOGRAFÍA
      • 1. Solicitar á RLT informe achegando a seguinte documentación:
        • . Denominación, descrición e obxectivos das accións formativas.
        • . Colectivos destinatarios e número de participantes por acción formativa.
        • . Calendario previsto de execución.
        • . Medios pedagóxicos.
        • . Criterios de selección dos participantes.
        • . Lugar previsto de impartimento.
        • . Balance das accións formativas do exercicio precedente.
      • 2. A RLT dispoñerá de 15 días para pronunciarse sobre o mesmo.
        Unha vez transcorrido este prazo e con independencia de que a RLT emita o seu informe e, no seu caso, do sentido deste, a empresa poderá xa iniciar a acción formativa.
      • 3. No caso de existir discrepancias entre a empresa e a RLT, concederase novamente un prazo de 15 días para intentar resolver estas.
      • 4. Se se mantivese o desacordo, comunicarase a devandita situación a través da aplicación, cumprimentándose a Acta de discrepancias.
      • 5. A Estrutura Paritaria Sectorial correspondente examinará as discrepancias ao obxecto de decidir a conveniencia da mediación por parte de Fundae.

       

      Documentación relacionada

      Información á Representación Legal dos Traballadores (RLT) - Accións formativas e permisos individuais de formación

       

      Modelo de acta de discrepancias

    • Para comunicar o inicio do curso, en primeiro lugar, deberás dar de alta na aplicación a acción formativa, e a continuación comunicar o inicio do grupo formativo:

        Deberás gravar os elementos básicos que van definir esa acción:

        • Modalidade (presencial/teleformación/mixta, a parte presencial debe ser igual ou superior ao 20 %, pola contra, considérase teleformación).
        • Duración.
        • Obxectivos.
        • Contidos.

         

        Unha vez dada de alta a acción, comunica o inicio do grupo, como mínimo, 7 días naturais antes da súa data de comezo.

        Para realizar a devandita comunicación, deberase indicar cando, onde, quen o imparte e a quen vai dirixido.

        Na comunicación de finalización non será admitido un número de participantes superior nin empresas distintas ás notificadas no inicio.

         

        Cambios e incidencias

        Se unha vez comunicado o inicio, se producen cambios no grupo, dispoñerás dos seguintes prazos para comunicalos:

        • 4 días naturais previos ao inicio do curso: cancelación do grupo, cambio de horario, localidade ou datas de impartimento.
        • Se o cambio afecta á data de inicio deberán transcorrer 7 días naturais entre a comunicación da modificación e o novo inicio.
        • O resto de cambios poderás facelos ata o mesmo día de comezo do curso.

        Se se producen incidencias no transcurso do curso, estas deberán ser comunicadas na aplicación, no apartado “Incidencias”, e deberán e obedecer a causas imprevistas ou sobrevidas, xustificadas documentalmente, e comunicadas previamente. O Servizo Público de Emprego Estatal examinaraas e resolverá se son aceptadas. Pola contra, o grupo quedará en estado incidentado e non poderá ser aplicada a bonificación.

    • Durante o desenvolvemento da formación, deberás ter en conta os seguintes aspectos:

      • A formación debe ser gratuíta para os participantes.
      • A duración total do curso non pode ser inferior a 2 horas.
      • A formación non pode superar as 8 horas diarias, a menos que se faga nun só día.
      • O número de participantes non deberá exceder de 30 en modalidade presencial (25 se se trata dun Certificado de profesionalidade), e de 80 por titor en teleformación.
      • No caso de modalidade presencial, debe cumprirse o Modelo de control de Asistencia (na modalidade de teleformación, as plataformas deberán posibilitar o rexistro da actividade dos participantes).
      • Ao finalizar o curso, deberá entregárselles aos participantes o Cuestionario de avaliación do curso.
      • No prazo máximo de dous meses dende a finalización do curso, debe entregárselles aos participantes un certificado de asistencia ou diploma.

    • Antes de aplicar a bonificación, debes comunicar a finalización do curso a través da aplicación, dende a súa data de fin e, en todo caso, antes da presentación do boletín de cotización do mes de decembro.

      Para realizar este paso, deberás informar de:

      • Os datos dos participantes que finalizaron a formación (que realizasen 75 % do curso).
      • Os custos do curso (directos, indirectos e de organización).
      • A contía e o mes no que te vas bonificar.

      A aplicación calculará o custo máximo polo cal te poderás bonificar, que será o menor destes tres importes:

          • - Directos:
            • .Retribución de formadores.
            • .Equipos didácticos e plataformas tecnolóxicas.
            • .Medios didácticos e/ou adquisición de material didáctico.
            • .Aulas, talleres e superficies de formación.
            • .Seguro de accidentes de participantes.
            • .Transporte, manutención e aloxamento de participantes e formadores.
          • - Indirectos: (máximo 10 % do custo total da acción formativa)
            • .Luz, auga, calefacción, mensaxaría, correo, limpeza, vixilancia, etc.
            • .Persoal, instalacións e equipos de apoio.
          • - Organización: Se encomendaches a organización a unha entidade externa. Este custo estará limitado a un 10 % do custo total da acción formativa (20 % para empresas de 1 a 5 traballadores, e 15 % para empresas de 6 a 9).
          • A aplicación calculará, en función das características da formación impartida, número de participantes e duración, un límite de custos para a acción. Este límite calcularase tendo en conta o módulo económico máximo:
            bonificación

            No caso de certificados de profesionalidade, os módulos serán de 8 € para modalidade presencial e 5 € para teleformación.

       

      Cofinanciamento privado

      Se a túa empresa ten máis de 5 traballadores, está obrigada a asumir unha porcentaxe do total dos custos que comunique na aplicación ao longo do ano. Para o cálculo desta achega, teranse en conta os Custos salariais dos traballadores formados durante o horario de traballo.

      A aplicación calculará o cofinanciamento do seguinte xeito:

      (custos de formación + custos salariais) – bonificación aplicada

      Todos os gastos, así como as bonificacións que se apliquen, deben quedar identificados en conta separada ou epígrafe específica da contabilidade baixo a denominación formación profesional para o emprego.

      Documentación relacionada

      Orientación de custos para formación de demanda: accións formativas das empresas

    • Unha vez comunicada a finalización na aplicación, e ata a presentación do boletín do mes de decembro do ano en curso, podes aplicarche a bonificación por formación nos recibos de Liquidación de Cotizacións á Seguridade Social.

      Para iso, debes cumprir os seguintes requisitos:

      • Estar ao corrente de pagamento fronte Axencia Tributaria e Seguridade Social
      • Se corresponde, ter informado a RLT
      • Comunicar o inicio e realizar e comunicar a finalización da formación

      As bonificacións por formación aplicaranse a través do sistema de Liquidación Directa (código 763 -clave do ficheiro FAN CA80- bonificación formación continua), indicando o importe comunicado na aplicación.

    • Debes conservar, durante un prazo de catro anos, a documentación acreditativa das accións formativas polas cales practicaches a bonificación, por se esta che fose requirida.

      Unha vez finalizado o exercicio, Fundae comprobará as bonificacións practicadas para asegurar a corrección destas:

      • Que non superases o crédito dispoñible
      • Que cumpriches os requisitos (información á RLT, cofinanciamento, etc.)
      • Os resultados das actuacións de seguimento e control, se as tiveches.
      • Vida laboral dos participantes.

      Se a devandita comprobación resultase non conforme, recibirás, mediante unha notificación electrónica, unha comunicación indicando os motivos, dispoñendo dun prazo de dez días para realizar as alegacións oportunas.

      Podes acceder ao apartado “Consulte os seus datos” para ampliar información sobre a comprobación de resultados.

      Documentación relacionada

      Guía práctica presentación alegacións

destacados_1

Documentación

Encontra todos os manuais, documentos e modelos que necesitas para a xestión.
destacados_1

Vídeotitorial "a bonificación en 8 pasos"

Vídeotitorial da nosa canle de Youtube
destacados_1

Normativa

Accede a toda a normativa que regula a formación bonificada.